ഇടത്തുനിന്നും വലത്തേക്ക് തലചരിച്ചുവച്ചിരുന്നാലെ
നയന്താരയെ കാണാനാകു
റോസ് നിറത്തിലുള്ള ഉടുപ്പിനുതാഴെ
വെളുത്ത കാല്മുട്ടുകളും.
നയന്താര പിന്നിലെ ചില്ലിലാണ് കൈകള്
പിണഞ്ഞ് നില്ക്കുന്നത്
കടുത്ത ഗന്ധവുമുള്ള ഏതോ വിലകുറഞ്ഞ
ആഫറ്റര് ഷേവിന്റെ തണുപ്പ്.
കണ്ണിലിപ്പോഴും ചൂടുതന്നെ.
രണ്ടായി കീറിയ ടിഷ്യുവിലൊന്ന് മുഖത്തമര്ന്നപ്പോള്
ഞാന് ഓര്ത്തു, ഇനിയിപ്പോള് കസേരവിട്ടുകൊടുക്കണം.
പോരേ?,
കവിളില് കൈതൊട്ടുകൊണ്ടു ബാര്ബര് ചോദിച്ചു.
വലത്തേക്ക് തലചരിച്ചുവച്ചു ചില്ലില് നോക്കി ഞാന് മറുചോദ്യമിട്ടു,
ഈ മീശകൂടി എടുത്താലോ?
